【母親節】被出軌爸爸要求陪情婦過母親節 港男嬲爆拒絕:真係傻傻地
發布時間: 2023/05/15 12:26
母親節當然要好好孝敬媽媽啦!有港男上網發文,指出軌的爸爸竟要求他與情婦食飯慶祝母親節,港男對爸爸的要求非常反感,怒斥「叫我陪小三過母親節,老豆真係傻傻地!」,他更揚言若爸爸再打電話來要求他陪情婦,他就與爸爸斷絕聯絡,父親節都不陪他過。
最新影片推介:
該港男日前在香港討論區發文,主題是「老豆想我陪佢小三過母親節」,他稱爸爸有婚外情,與媽媽離婚已有1年多,他則與媽媽同住,爸爸則遷往與「小三一齊住」。
他爸爸近日竟致電給他,要求母親節跟他與情婦一齊食飯慶祝,作為兒子的港男梗係嬲爆,
我完全唔想去,母親節當然就係同自己阿媽好好慶祝啦!而我都book好晒餐廳買好晒母親節禮物,想畀阿媽知道雖然佢老公出軌對佢咁衰,但做仔嘅一定會永遠都咁愛佢、陪住佢。
港男又指,之前的中秋節,其父也想他跟小三一齊食飯過節,不過今次更過分,竟然叫他跟小三過母親節,令他非常氣憤,
老豆真係傻傻地!阿媽我就得一個,只會同我阿媽過母親節!
港男斷然拒絕爸爸的過分要求,並表示爸爸再要求他陪小三,便會跟他斷絕聯絡,父親節也不會跟他過,
老豆聽完冇聲出,我會唔會講得過份左少少呀?
貼文一出,即掀起熱議,網民一致認為港男沒有做錯,「我覺得你做得岩呀!個小三對你好好咩?做咩要同佢食飯」、「又唔係你阿媽,做乜要去?叫佢自己生一個出來同佢慶祝!」、「你做得好好,而家又唔係父親節。母親節,梗係陪自己母親,點解要去陪母親嘅情敵」、「基本上呢個父親都可以唔認,毫無家庭責任!!唔見冇眼屎乾淨」,有網民更指港男的爸爸很自私,「得罪啲講句,樓主老豆好自私,有乜可能同小三慶祝唔同自己阿媽慶祝,你老豆咁都講得出真係令人好無言。」
點擊下圖,睇更多留言:
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
【ET Club會員積分獎賞計劃】用App換獎賞︰https://onelink.to/keyuqm
責任編輯︰王明芳